കൊടിക്കുന്നിൽ സുരേഷ് എംപിയുടെ തുടർച്ചയായ ഇടപെടലിനെത്തുടർന്ന് 16327/16328 മധുര–ഗുരുവായൂർ എക്സ്പ്രസിൽ വിസ്റ്റാഡോം കോച്ച് അനുവദിച്ചു. കേരളത്തിലെ ഒരു ട്രെയിനിൽ വിസ്റ്റാഡോം കോച്ച് യാഥാർത്ഥ്യമാകുന്നത് ആദ്യമായാണെന്ന പ്രത്യേകതയോടെയാണ് ഈ തീരുമാനം. യാത്രക്കാർക്ക് പ്രകൃതിഭംഗി ആസ്വദിച്ചുകൊണ്ട് യാത്ര ചെയ്യാൻ അവസരമൊരുക്കുന്ന ഈ സംവിധാനം കേരളത്തിലെ റെയിൽവേ യാത്രാനുഭവത്തിന് പുതിയ മാനം ഒക്ടോബർ 22 മുതൽ സർവീസ് ആരംഭിക്കും.
മധുരയിൽനിന്ന് പുനലൂർ കൊട്ടാരക്കര വഴി ഗുരുവായൂരിലേക്കുള്ള 16327-ാം നമ്പർ എക്സ്പ്രസിൽ 2026 ഒക്ടോബർ 22 മുതൽ 2027 ജനുവരി 15 വരെ വ്യാഴം, വെള്ളി, ശനി, ഞായർ ദിവസങ്ങളിൽ വിസ്റ്റാഡോം കോച്ച് ഉൾപ്പെടെയുള്ള പുതുക്കിയ കോച്ച് ഘടനയിലായിരിക്കും സർവീസ്. ഗുരുവായൂരിൽനിന്ന് മധുരയിലേക്കുള്ള 16328-ാം നമ്പർ എക്സ്പ്രസിൽ ഒക്ടോബർ 23 മുതൽ 2027 ജനുവരി 16 വരെ വെള്ളി, ശനി, ഞായർ, തിങ്കൾ ദിവസങ്ങളിലാണ് ഈ സൗകര്യം ലഭ്യമാകുക. നിലവിലുള്ള 13 എൽഎച്ച്ബി കോച്ചുകളിൽ ആകെ 13 കോച്ചുകൾ നിലനിർത്തിക്കൊണ്ടാണ് വിസ്റ്റാഡോം കോച്ച് ഉൾപ്പെടുത്തിയുള്ള താൽക്കാലിക പുനഃക്രമീകരണം നടപ്പാക്കുന്നത്.
വിസ്തൃതമായ ഗ്ലാസ് ജനാലകളും പ്രകൃതിദൃശ്യങ്ങൾ കൂടുതൽ വ്യക്തമായി കാണാൻ സഹായിക്കുന്ന രൂപകൽപ്പനയും വിസ്റ്റാഡോം കോച്ചിന്റെ പ്രത്യേകതകളാണ്. വിനോദസഞ്ചാരികൾക്കും കുടുംബങ്ങൾക്കും പ്രകൃതിഭംഗി ആസ്വദിച്ച് യാത്ര ചെയ്യാൻ ആഗ്രഹിക്കുന്നവർക്കും ഈ സൗകര്യം ഏറെ പ്രയോജനകരമാകും. കേരളത്തിന്റെ പ്രകൃതിസൗന്ദര്യവും വിനോദസഞ്ചാര സാധ്യതകളും കൂടുതൽ പ്രയോജനപ്പെടുത്തുന്നതിന് റെയിൽവേ സർവീസുകളിൽ ഇത്തരം സംവിധാനങ്ങൾ പ്രോത്സാഹിപ്പിക്കേണ്ടതിന്റെ ആവശ്യകതയും ഈ തീരുമാനം ഉയർത്തിക്കാട്ടുന്നു.
റെയിൽവേ യാത്രക്കാരുടെ ആവശ്യങ്ങൾ അധികൃതരുടെ ശ്രദ്ധയിൽപ്പെടുത്തുകയും കൂടുതൽ സൗകര്യങ്ങൾ ലഭ്യമാക്കുന്നതിനായി ഇടപെടുകയും ചെയ്ത കൊടിക്കുന്നിൽ സുരേഷ് എംപിയുടെ പ്രവർത്തനങ്ങളുടെ ഭാഗമായി ഈ നേട്ടത്തെ വിലയിരുത്തുന്നു. കേരളത്തിലെ റെയിൽവേ യാത്രാനുഭവം മെച്ചപ്പെടുത്തുന്നതിനും വിനോദസഞ്ചാര വികസനത്തിന് റെയിൽവേയെ കൂടുതൽ ഫലപ്രദമായി പ്രയോജനപ്പെടുത്തുന്നതിനും ഇത്തരം നടപടികൾ സഹായകരമാകുമെന്നാണ് പ്രതീക്ഷ. നേരത്തെ ഈ ട്രെയിൻ യാഥാർത്ഥ്യമായതും കൊടിക്കുന്നിൽ സുരേഷ് എംപിയുടെ ഇടപെടലിലൂടെയായിരുന്നു.
Follow us on
Kundara MEDIA ©️
Facebook | Youtube | Instagram | Website
