എഴുകോൺ: എഴുകോൺ ഗവൺമെന്റ് പോളിടെക്നിക് കോളേജ് യൂണിയൻ തിരഞ്ഞെടുപ്പിൽ മുഴുവൻ സീറ്റുകളും തൂത്തുവാരി കേരള സ്റ്റുഡന്റ്സ് യൂണിയന് (കെ.എസ്.യു) ചരിത്ര വിജയം. മത്സരിച്ച ഏഴ് ജനറൽ സീറ്റുകളിലും കെ.എസ്.യു സ്ഥാനാർത്ഥികൾ വൻ ഭൂരിപക്ഷത്തോടെ വിജയിച്ചു.
നീണ്ട ഇരുപത്തിരണ്ട് വർഷത്തെ കാത്തിരിപ്പിന് ശേഷമാണ് കാമ്പസിൽ കെ.എസ്.യു യൂണിയൻ ഭരണം തിരിച്ചുപിടിക്കുന്നത്. വർഷങ്ങളായി എതിർ വിദ്യാർത്ഥി സംഘടനകളുടെ കുത്തകയായിരുന്ന കാമ്പസിലാണ് ഇത്തവണ കെ.എസ്.യു അട്ടിമറി വിജയം കുറിച്ചത്. ചെയർമാൻ, ജനറൽ സെക്രട്ടറി, വൈസ് ചെയർപേഴ്സൺ തുടങ്ങി പ്രധാനപ്പെട്ട മുഴുവൻ ഭാരവാഹി സ്ഥാനങ്ങളിലേക്കും നടന്ന മത്സരങ്ങളിൽ എതിർസ്ഥാനാർത്ഥികളെ ബഹുദൂരം പിന്നിലാക്കിയാണ് കെ.എസ്.യു മുന്നേറ്റം നടത്തിയത്.
മത്സരിച്ച സീറ്റുകൾ: 7 വിജയിച്ച സീറ്റുകൾ: 7 (മുഴുവൻ സീറ്റുകളിലും വിജയം) വിദ്യാർത്ഥിപക്ഷ നിലപാടുകൾക്കും കാമ്പസിലെ ജനാധിപത്യ അവകാശങ്ങൾക്കും ലഭിച്ച അംഗീകാരമാണ് ഈ ചരിത്ര വിജയമെന്ന് കെ.എസ്.യു നേതൃത്വം പ്രതികരിച്ചു. തിരഞ്ഞെടുപ്പ് ഫലം പുറത്തുവന്നതിനു പിന്നാലെ പ്രവർത്തകർ കാമ്പസിലും പരിസരത്തും ആഹ്ലാദപ്രകടനവും വിജയറാലിയും നടത്തി.
Follow us on
Kundara MEDIA
Facebook | Youtube | Instagram | Website
