കളഞ്ഞുകിട്ടിയ രണ്ടര പവൻ സ്വർണ്ണ ചെയിൻ ഉടമയ്ക്ക് തിരിച്ചുനൽകി മാതൃകയായി കുണ്ടറ മുളവന സ്വദേശി വിനോദ്. ചെയിൻ പോലീസ് സ്റ്റേഷനിൽ ഉണ്ടെന്ന വിവരം ഉടമ അറിഞ്ഞത് കുണ്ടറ മീഡിയ പോസ്റ്റിലൂടെ.
കുണ്ടറ : മുളവന തുണ്ടിൽ കിഴക്കതിൽ വീട്ടിൽ വിനോദിന് ആണ് മുളവന മാടൻകാവിനു സമീപത്തു നിന്നും രണ്ടര പവൻ തൂക്കം വരുന്ന സ്വർണ്ണ ചെയിൻ കളഞ്ഞുകിട്ടിയത്. ജൂലൈ 11 നു ആണ് സംഭവം. പിറ്റേന്ന് രാവിലെ വിനോദ് കുണ്ടറ പോലീസ് സ്റ്റേഷനിൽ എത്തി സി.ഐ. രാജേഷിന്റെ കയ്യിൽ ചെയിൻ ഏൽപ്പിക്കുകയും ചെയ്തു.
ഈ വിവരം സി.ഐ. കുണ്ടറ മീഡിയയിൽ വിളിച്ചു അറിയിക്കുകയും തുടർന്ന് സ്വർണ്ണ ചെയിൻ കളഞ്ഞു കിട്ടിയ വിവരം സോഷ്യൽ മീഡിയയിൽ പോസ്റ്റ് ചെയ്യുകയും ചെയ്തു. മണിക്കൂറുകൾക്കകം ചെയിനിന്റെ ഉടമയായ മുളവന പള്ളിമുക്ക് സ്വദേശി സുബിന്റെ സുഹൃത് ഫേസ്ബുക്കിലെ കുണ്ടറ മീഡിയയുടെ പോസ്റ്റ് കാണുകയും ആ വിവരം സുബിനെ അറിയിക്കുകയും ചെയ്തു.
ഇന്നലെ (12.7.2025) വൈകിട്ട് സ്വർണ്ണ ചെയിൻ കിട്ടിയ വിനോദിനെയും ഉടമ സുബിനെയും സ്റ്റേഷനിൽ വിളിച്ചു വരുത്തി സി.ഐ യുടെ സാന്നിധ്യത്തിൽ വിനോദിനെ കൊണ്ടുതന്നെ ഉടമയ്ക്ക് ചെയിൻ കൊടുപ്പിക്കുകയും ചെയ്തു. ചെയിൻ തിരിച്ചുകിട്ടുമെന്നുള്ള ഒരു പ്രതീക്ഷയും ഉണ്ടായിരുന്നില്ല എന്ന് സുബിൻ കുണ്ടറ മീഡിയയോട് പറഞ്ഞു.
സ്വർണ്ണത്തിന്റെ വില കൂടി നിൽക്കുന്ന ഈ സാഹചര്യത്തിൽ രണ്ടര പവൻ തൂക്കമുള്ള ഒരു സ്വർണ്ണ ചെയിൻ കളഞ്ഞു കിട്ടിയ വിനോദ് അത് ഉടമയ്ക്ക് തിരിച്ചു നല്കാൻ കാണിച്ച സന്മനസ്സിനെ എത്ര അഭിനന്ദിച്ചാലും മതിയാകില്ല. എല്ലാവര്ക്കും ഇതൊരു മാതൃകയാകട്ടെ.
Follow us on
Kundara MEDIA
Facebook | Youtube | Instagram | Website
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 06238895080