കുണ്ടറ : കുണ്ടറ താലൂക്ക് ആശുപത്രി കെട്ടിട നിർമാണം ഡിസംബർ അവസാനത്തോടെ പൂർത്തിയാകുമെന്ന് പി. സി. വിഷ്ണുനാഥ് എം.എൽ.എ. പറഞ്ഞു. കെട്ടിട സമുച്ചയത്തിന്റെ നിർമ്മാണ പുരോഗതി വിലയിരുത്തുന്നതിനായി സ്ഥലം സന്ദർശിക്കുകയായിരുന്നു എംഎൽഎ. നിർമാണ പ്രവർത്തനങ്ങൾ വേഗത്തിൽ മുന്നോട്ട് പോകുകയാണ്.
ഓപ്പറേഷൻ തീയറ്ററുകളുടെ നിർമാണ ചുമതല കേരള മെഡിക്കൽ ബോർഡ് കോർപ്പറേഷനിൽ നിന്ന് കെഎസ്ഇബിയ്ക്ക് കൈമാറി. തീയറ്ററുകൾ സജ്ജീകരിക്കുന്നതിനായുള്ള ഉപകരണങ്ങൾ കെഎംസിഎസ്എൽ ആണ് എത്തിക്കേണ്ടത്. ആശുപത്രി വികസിക്കുന്നതിനൊപ്പം ജീവനക്കാരുടെ എണ്ണം വർധിപ്പിച്ചാൽ മാത്രമേ ആശുപത്രിയുടെ പ്രവർത്തനം സുഖമമാകു. മന്ത്രി വീണ ജോർജ് ആശുപത്രി സന്ദർശിച്ചപ്പോൾ ജീവനക്കാരുടെ എണ്ണത്തെ പറ്റി ആശുപത്രി ഉദ്യോഗസ്ഥർ നിർദേശം സമർപ്പിച്ചിരുന്നു.
സർക്കാരിൻ്റെ ഭാഗത്ത് നിന്ന് അനുകൂല തീരുമാനം ഉണ്ടാകുമെന്ന് പ്രതീക്ഷിക്കുന്നതായി എംഎൽഎ പറഞ്ഞു. താലൂക്ക് ആശുപത്രി സൂപ്രണ്ട് ഡോ. ജി. ബാബുലാൽ, പിആർഒ ഗിരീഷ്, ചിറ്റുമല ബ്ലോക്ക് പഞ്ചായത്ത് സ്‌റ്റാൻഡിങ് ചെയർ‌പഴ്‌സൺ ഇജിദ്ര ലേഖ, പേരയം ഗ്രാമപഞ്ചായത്ത് പ്രസിഡന്റ് അനീഷ് പടപ്പക്കര, കെഎസ്‌ഇബി അസിസ്‌റ്റൻ്‌റ് എക്‌സിക്യൂട്ടീവ് എൻജിനീയർ പി. അനിൽ, സബ് എൻജിനീയർ എസ്. ഗീത, പ്രോജക്ട് എൻജിനീയർ ആർദ്ര രാജ്, സൈറ്റ് എൻജിനീയർ സുനിൽ കുമാർ, കുരീപ്പള്ളി സലിം, കെ. ബാബുരാജൻ, ജി വിനോദ്കുമാർ, കരാർ കമ്പനി ഉദ്യോഗസ്ഥർ എന്നിവർ പങ്കെടുത്തു.
Follow us on
Kundara MEDIA
Facebook | Youtube | Instagram | Website | Threads | Whatsapp | X
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 06238895080