കുണ്ടറ റെയിൽവേ സ്റ്റേഷൻ പ്ലാറ്റ്ഫോമിന്റെ നീളം കൂട്ടണം റെയിൽവേ പാസഞ്ചേഴ്സ് അസോസിയേഷൻ;
കുണ്ടറ : കൊല്ലം ചെങ്കോട്ട ലൈനിൽ ഓടുന്ന തീവണ്ടികളുടെ ബോഗി എണ്ണം വർധിപ്പിക്കുന്നതിനാൽ യാത്രക്കാരുടെ സൗകര്യാർത്ഥം പ്ലാറ്റ്ഫോമിന്റെ നീളം കൂട്ടുവാൻ വേണ്ട നടപടികൾ സ്വീകരിക്കണമെന്ന് കുണ്ടറ റെയിൽവേ പാസഞ്ചേഴ്സ് അസോസിയേഷൻ റെയിൽവേയോട് അഭ്യർത്ഥിച്ചു.
കുണ്ടറ റെയിൽവേ സ്റ്റേഷന്റെ രണ്ടാം പ്ലാറ്റ്ഫോമിന്റെ പുറകിൽ ഒഴിഞ്ഞു കിടക്കുന്ന സ്ഥലത്ത് വാഹന പാർക്കിംഗ് സൗകര്യവും, പൊതുജനങ്ങൾക്കായി ഒരു പാർക്കും അനുവദിക്കണമെന്നും യാത്രാ ദൂരം ഏറെ കുറയ്ക്കുവാൻ പുനലൂർ വഴി കൊല്ലം – ഡൽഹി, കൊല്ലം – മുംബൈ എന്നീ പുതിയ ട്രെയിനുകൾ അനുവദിക്കണമെന്നും യോഗം അഭ്യർത്ഥിച്ചു.
യോഗത്തിൽ അസോസിയേഷൻ പ്രസിഡന്റ് ജോയി കണിയാംപറമ്പിൽ അധ്യക്ഷത വഹിച്ചു. സെക്രട്ടറി ഷിബു പടവിള, വൈസ് പ്രസിഡന്റ് ഫാദർ എ.എബ്രഹാം, എം ജോർജ് കുര്യൻ, വി കസ്തൂരി ഭായ്, ഷാനവാസ് കരീം തുടങ്ങിയവർ പ്രസംഗിച്ചു.
Follow us on
KUNDARA MEDIA
Facebook | Youtube | Instagram | Website | Threads | Whatsapp
വാർത്തകളും വിശേഷങ്ങളും വിരൽത്തുമ്പിൽ