കുണ്ടറ : കൊറ്റങ്കര ഗ്രാമപഞ്ചായത്തിലെ കോളശ്ശേരി നഗറിന്റെ മുഖച്ഛായ മാറുന്നു. അംബേദ്കർ ഗ്രാമ വികസന പദ്ധതിയിൽ ഉൾപ്പെടുത്തി അനുവദിച്ച ഒരുകോടി രൂപയുടെ വികസന പ്രവർത്തനങ്ങൾ പി.സി വിഷ്ണുനാഥ് എംഎൽഎ ഉദ്ഘാടനം ചെയ്തു. കൊറ്റങ്കര ഗ്രാമപഞ്ചായത്ത് പ്രസിഡന്റ് പി വിനിതകുമാരി അധ്യക്ഷത വഹിച്ചു. ഗ്രാമപഞ്ചായത്ത് അംഗം രഘു പാണ്ഡപുരം സ്വാഗതം ആശംസിച്ചു.
മുഖത്തല ബ്ലോക്ക് പഞ്ചായത്ത് പ്രസിഡന്റ് ബി യശോദ മുഖ്യ പ്രഭാഷണം നടത്തി, ബ്ലോക്ക് പഞ്ചായത്ത് അംഗം കെ സതീശൻ, ഡിസിസി ജനറൽ സെക്രട്ടറി കെ ആർ വി സഹജൻ, സിപിഎം എൽസി സെക്രട്ടറി ആർ സുദർശനൻ, കോൺഗ്രസ് മണ്ഡലം പ്രസിഡന്റ് വിനോദ് കോണിൽ, ആർഎസ്പി എൽസി സെക്രട്ടറി എസ് ബൈജു, ഐ എൻ സി തൃക്കോവിൽവട്ടം ബ്ലോക്ക് ജനറൽ സെക്രട്ടറി ശ്രീകുമാർ കോളശ്ശേരി, ബെനിഫിഷ്യറി കമ്മിറ്റി മെമ്പർ ദേവദാസ് തുടങ്ങിയവർ സംസാരിച്ചു.
എസ്. സി. പ്രമോട്ടർ കുമാരി നിവേദിത നന്ദി അറിയിച്ചു സംസാരിച്ചു. പദ്ധതി പ്രകാരം നഗറിലെ വീടുകളുടെ പുനരുദ്ധാരണം, സംരക്ഷണഭിത്തി നിർമാണം, നഗർ നിവാസികൾക്കായി കമ്മ്യൂണിറ്റി ഹാൾ നിർമ്മാണം എന്നിവയാണ് ഉൾപ്പെടുത്തിയിട്ടുള്ളത്.
Follow us on
Kundara MEDIA
Facebook | Youtube | Instagram | Website | Threads | Whatsapp | X
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക..+916238895080