കൊട്ടാരക്കര : ലോകോത്തര ഐടി കമ്പനിയായ സോഹോ കോർപറേഷന്റ ഇന്ത്യയിലെ രണ്ടാമത്തെ ക്യാമ്പസ്‌ കൊട്ടാരക്കര മണ്ഡലത്തിലെ നെടുവത്തൂർ പഞ്ചായത്തിൽ അഞ്ചുമാസത്തിനുള്ളിൽ പ്രവർത്തനം ആരംഭിക്കും. പ്രാരംഭ ഘട്ടത്തിൽ 250 പേർക്ക്‌ ഇവിടെ ജോലി ഉറപ്പാകും. ഐടി ക്യാമ്പസിന്‌ ആവശ്യമായ ഭുമിയും കെട്ടിടവും അടക്കം സോഹോ കോർപ്പറേഷന്‌ ലഭ്യമായിട്ടുണ്ടെന്നും ധനകാര്യ മന്ത്രി കെ.എൻ. ബാലഗോപാൽ പറഞ്ഞു. ഐടി, ഐടി അനുബന്ധ മേഖലയിൽ 500 പ്രൊഫഷണലുകൾക്ക്‌ ആദ്യഘട്ടത്തിൽ ജോലി ലദ്യമാക്കുകയാണ് ലക്ഷ്യം.
സംസ്ഥാന സർക്കാരിന്റെ വർക്ക്‌ നിയർ ഹോം പദ്ധതിയിലെ ആദ്യ വർക്കസ്‌റ്റേഷൻ കൊട്ടാരക്കരയിൽ ആരംഭിക്കുകയാണ്. വീടിനടുത്ത് എല്ലാവിധ സൗകര്യങ്ങളോടെ 250 ഐടി പ്രൊഫഷണലുകൾക്ക്‌ ഐടി,ഐടി അനുബന്ധ മേഖലയിൽ ജോലി ചെയ്യാനാകും. കൊട്ടാരക്കര നഗരത്തിൽ ഡ്രോൺ റിസർച്ച്‌ പാർക്ക്‌ സ്ഥാപിക്കാൻ തീരുമാനമായതായും മന്ത്രി പറഞ്ഞു. പാർക്കിന്‌ ആവശ്യമായ സ്ഥലം കൊട്ടാരക്കര നഗരത്തിൽ തന്നെ ലഭ്യമാക്കാനാകും.
കൊട്ടാരക്കരയെ ഐടി, റിസർച്ച്‌ ആൻഡ്‌ ഡെവലെപ്പ്‌മെന്റ്‌ ഹബ്‌ ആക്കാൻ വിവിധ തരത്തിലുള്ള പദ്ധതികളാണ്‌ മുന്നേറുന്നതെന്ന്‌ ധനകാര്യ മന്ത്രി വ്യക്തമാക്കി.
Follow us on
Kundara MEDIA
Facebook | Youtube | Instagram | Website | Threads | Whatsapp | X
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 06238895080