മൂന്നര കോടിയുടെ അത്യാഢംബര വാഹനം റേഞ്ച് റോവർ സ്വന്തമാക്കി മലയാളത്തിന്റെ മഹാനടൻ മോഹൻലാൽ.
ഇപ്പോൾ താര രാജാവിന്റെ വാഹന വിശേഷങ്ങളാണ് സമൂഹമാധ്യമങ്ങൾ നിറഞ്ഞു നിൽക്കുന്നത്.. റേഞ്ച് റോവറിന്റെ ഉയർന്ന വകഭേദങ്ങളിൽ ഒന്നായ ഓട്ടോബയോഗ്രഫി ലോങ് വീൽബെയ്സ് പുതിയ വാഹനം സ്വന്തമാക്കിയിരിക്കുകയാണ് താരം. കൊച്ചിയിലെ ലാൻഡ് റോവർ വിതരണക്കാരായ മുത്തൂറ്റ് ജെഎൽആറിൽ നിന്നാണ് മോഹൻലാൽ ഇതു വാങ്ങിച്ചിരിക്കുന്നത്.
കാറ് വാങ്ങാൻ മോഹൻലാലിനൊപ്പം ഭാര്യയും എത്തിയിരുന്നു. ലാൻഡ് റോവർ നിരയിലെ ഏറ്റവും വലിയ വാഹനങ്ങളിൽ ഒന്നാണ് റേഞ്ച് റോവർ ഓട്ടോബയോഗ്രഫി എൽബിഡബ്ല്യു.
ഏകദേശം 3.39 കോടി രൂപയാണ് എസ്‍യുവിയുടെ എക്സ്ഷോറൂം വില വരുന്നത്. 4.4 ലീറ്റർ ട്വിൻ ടർബോ ചാർജ്ഡ് പെട്രോൾ എൻജിൻ ഉപയോഗിക്കുന്ന ഈ വാഹനത്തിന് 530 പിഎസ് കരുത്തും 750 എൻഎം ടോർക്കുമുണ്ട്. ഉയർന്ന വേഗം മണിക്കൂറിൽ 255 കിലോമീറ്റർ ആണ്. ഹബുക്കാ സിൽവർ നിറത്തിലുള്ള എസ്‍യുവിയുടെ റൂഫിന് കറുത്ത നിറമാണ് വരുന്നത് . മോഹൻലാലിന്റെ താൽപര്യത്തിന് അനുസരിച്ച് നിരവധി കസ്റ്റമൈസേഷനും ഈ വാഹനത്തിന് വരുത്തിയിട്ടുണ്ട്.
21 ഇഞ്ച് ഡയമണ്ട് ടൂൺഡ് ഗ്ലോസ് ഡാർക് ഗ്രേ അലോയ് വീലുകളാണ് ഈ കാറിൽ ഉപയോഗിക്കുന്നത്. സ്ലൈഡിങ് പനോരമിക് സൺറൂഫും ഇമേജ് പ്രൊജക്‌ഷനുള്ള ഡിജിറ്റൽ എൽഇഡി ഹെഡ്‌ലാംപും സിഗ്നേച്ചർ ഡിആർ എല്ലാം ഈ കാറിന്റെ മറ്റു സവിശേഷതകളാണ്. കൂടാതെ ഇരുപത്തിനാലു തരത്തിൽ ക്രമീകരിക്കാവുന്ന ചൂടും തണുപ്പും തരുന്ന ഹോട്ട് സ്റ്റോൺ മസാജ് മുൻ സീറ്റുകൾ, എക്സ്‍ക്ലൂസീവ് ക്ലാസ് കംഫർട് പ്ലസ് റിയർ സീറ്റ്, 13.1 ഇഞ്ച് ടച്ച് സ്ക്രീൻ ഇൻഫോടെയ്ൻമെന്റ് സിസ്റ്റം എന്നിവയും പ്രത്യേകതകൾ ആകുന്നു.
Kundara MEDIA
facebook | youtube | instagram | website
വിളംബര നാടിന്റെ വിശ്വസ്ത മാധ്യമം
<span;>