മൺഡ്രോതുരുത്ത് : ഹെൽത്തി കേരളയുടെ ഭാഗമായി കുണ്ടറ ഹെൽത്ത് ബ്ലോക്ക് എൻഫോഴ്‌സ്മെന്റ് സ്ക്വാഡിന്റെ നേതൃത്വത്തിൽ മൺഡ്രോതുരുത്തിൽ പ്രവർത്തിക്കുന്ന വിവിധ ടൂറിസം കേന്ദ്രങ്ങളിൽ മിന്നൽ പരിശോധന നടത്തി. ഗുരുതര ജലമലിനീകരണം ഉൾപ്പെടെ സൃഷ്ടിച്ചുകൊണ്ട് പ്രവർത്തിച്ചിരുന്ന പ്രമുഖ റിസോർട്ട് അടച്ചുപൂട്ടാൻ ഗ്രാമപഞ്ചായത്ത് നിർദേശം നൽകി. മറ്റൊരു റിസോർട്ടിനു 10000/- രൂപാ പിഴ ചുമത്തി.
പരിശോധനയ്ക്ക് ഹെൽത്ത് സൂപ്പർവൈസർ അനിൽകുമാർ, ഹെൽത്ത് ഇൻസ്‌പെക്ടർമാരായ അബ്ദുൽ സലാം, ബിനു, ദീപ, ജൂനിയർ ഹെൽത്ത് ഇൻസ്‌പെക്ടർ മാരായ ഹനീഷ് അഹമ്മദ്, അഭിലാഷ്, ഗ്രാമപഞ്ചായത്ത് അസിസ്റ്റന്റ് സെക്രെട്ടറി ഗിരിജ കുമാരി, VEO മനോജ്, ശുചിത്വമിഷൻ പ്രതിനിധി കലാദേവി എന്നിവർ പങ്കെടുത്തു. ജല മലിനീകരണം സൃഷ്‌ടിച്ചുകൊണ്ടു പ്രവർത്തിക്കുന്ന സ്ഥാപനങ്ങൾക്കെതിരെ വരും ദിവസങ്ങളിൽ ശക്തമായ നടപടികൾ സ്വീകരിക്കുന്നതാണെന്നു പരിശോധന സംഘം അറിയിച്ചു.
Follow us on
KUNDARA MEDIA
Facebook | Youtube | Instagram | Website | Threads | Whatsapp | X
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക..+916238895080