കൊല്ലം – പുനലൂർ – ചെന്നൈ എഗ്മോർ ട്രെയിനിന് എൽ.എച്ച്.ബി കോച്ചുകൾ അനുവദിച്ചു; കൊടിക്കുന്നിൽ സുരേഷ് എം.പി

ജനപ്രിയമായ കൊല്ലം – പുനലൂർ – ചെന്നൈ എഗ്മോർ എക്സ്പ്രസ് ട്രെയിനിന് (16101/16102) എൽ.എച്ച്.ബി കോച്ചുകൾ അനുവദിച്ചിരിക്കുകയാണ്. 2025 ഡിസംബർ 05 മുതൽ ട്രെയിൻ ആധുനിക സൗകര്യങ്ങളുള്ള എൽ.എച്ച്.ബി കോച്ചുകളുമായി സർവീസ് ആരംഭിക്കും.

നിലവിൽ സർവീസ് ചെയ്യുന്ന കോച്ചുകളുടെ കാലപ്പഴക്കം സംബന്ധിച്ച് നിരവധി പരാതികൾ യാത്രക്കാരുടെ ഭാഗത്ത് നിന്നും ലഭിച്ചിരുന്നു. ഇതിനെത്തുടർന്ന്, ട്രെയിനിലെ പഴയ കോച്ചുകൾ അടിയന്തരമായി എൽ.എച്ച്.ബി കോച്ചുകളിലേക്ക് മാറ്റണമെന്നാവശ്യപ്പെട്ട് റെയിൽവേ മന്ത്രിക്കും റെയിൽവേ ബോർഡ് ചെയർമാനും ഞാൻ കത്ത് നൽകിയിരുന്നു. നേരിട്ട് നടത്തിയ ഇടപെടലുകളുടെയും തുടർച്ചയായ പിന്തുടർച്ചകളുടെയും ഫലമായാണ് ഈ തീരുമാനം ഉണ്ടായത്.

യാത്രക്കാരുടെ ആവശ്യങ്ങൾ പരിഗണിച്ച്, സെപ്റ്റംബർ ഒന്നു മുതൽ ട്രെയിൻ കൊല്ലത്തു നിന്നും വൈകുന്നേരം 4 മണിക്ക് പുറപ്പെടും. യാത്രക്കാരുടെ സുരക്ഷിതവും സുഖപ്രദവുമായ യാത്രയ്ക്കായി എൽ.എച്ച്.ബി കോച്ചുകൾ വലിയൊരു നേട്ടമാകുമെന്ന് പ്രതീക്ഷിക്കുന്നതായി കൊടിക്കുന്നിൽ സുരേഷ് എംപി പറഞ്ഞു.

Follow us on
Kundara MEDIA
Facebook | Youtube | Instagram | Website |
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 062388 95080