കൊടിക്കുന്നിൽ സുരേഷ് എംപിയുടെ ഇടപെടലിനെ തുടർന്ന് കൊല്ലം – താമ്പരം എക്സ്പ്രസിന്റെ (മുൻപ് ചെന്നൈ എഗ്മോർ വരെ സർവീസ് നടത്തിയിരുന്ന ട്രെയിൻ) സർവീസ് സമയം പുതുക്കാൻ റെയിൽവേ അധികൃതർ തീരുമാനിച്ചു. കൊല്ലം റെയിൽവേ സ്റ്റേഷനിൽ നിന്ന് വൈകുന്നേരം 4 മണിക്ക് പുറപ്പെടുന്ന രീതിയിലാണ് സമയം ക്രമീകരിച്ചിരിക്കുന്നത്. 2025 സെപ്റ്റംബർ 1 മുതൽ പുതിയ സമയക്രമപ്രകാരം സർവീസ് ആരംഭിക്കും.
യാത്രക്കാരുടെ നിരന്തരമായ അഭ്യർത്ഥന പരിഗണിച്ച് ട്രെയിനിന്റെ സമയക്രമം മാറ്റണമെന്നും, അത് വൈകുന്നേര സമയത്തേക്ക് മാറ്റിയാൽ യാത്രക്കാരുടെ സൗകര്യം വർദ്ധിക്കുമെന്നും എംപി റെയിൽവേ മന്ത്രിയോട് ആവശ്യപ്പെട്ടിരുന്നു. അതിന്റെ അടിസ്ഥാനത്തിലാണ് റെയിൽവേ സമയം പരിഷ്‌കരിച്ചത്.
പുതിയ സമയം കൊണ്ട് ദൈനംദിന യാത്രക്കാരും ദീർഘദൂര യാത്രക്കാരും കൂടുതൽ സൗകര്യപ്രദമായി സർവീസ് ഉപയോഗപ്പെടുത്താൻ സാധിക്കുമെന്ന് കൊടിക്കുന്നിൽ സുരേഷ് എംപി അഭിപ്രായപ്പെട്ടു.
Follow us on
Kundara MEDIA
Facebook | Youtube | Instagram | Website |
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 062388 95080