കൊല്ലം – എറണാകുളം, കൊല്ലം – പുനലൂർ റൂട്ടുകളിൽ സർവീസ് നടത്തുന്ന മുഴുവൻ മെമ്മു ട്രെയിനുകളും നിലവിലെ 8 കോച്ചുകളിൽ നിന്ന് 12 കോച്ചുകളാക്കി ഉയർത്തുമെന്നും ഇതു സംബന്ധിച്ച് തീരുമാനമായതായും കൊടിക്കുന്നിൽ സുരേഷ് എംപി അറിയിച്ചു. 2026 മാർച്ച് 1 മുതൽ തീരുമാനം പ്രാബല്യത്തിൽ വരും.
ഈ റൂട്ടുകളിൽ ദിവസേന യാത്ര ചെയ്യുന്ന വിദ്യാർത്ഥികൾ, തൊഴിലാളികൾ, ഓഫീസ് ജീവനക്കാർ ഉൾപ്പെടെയുള്ള ആയിരക്കണക്കിന് യാത്രക്കാർ അത്യധികം തിരക്ക് മൂലം ദീർഘകാലമായി ബുദ്ധിമുട്ട് അനുഭവിച്ചുവരികയായിരുന്നു. യാത്രക്കാരുടെ ആവശ്യം പരിഗണിച്ച് ട്രെയിനുകളുടെ കോച്ചുകൾ വർധിപ്പിക്കണമെന്ന് ആവശ്യപ്പെട്ട് എംപി റെയിൽവേ മന്ത്രാലയത്തോടും ദക്ഷിണ റെയിൽവേ അധികൃതരോടും നിരന്തരം ഇടപെട്ടിരുന്നു. തുടർച്ചയായ ആ ഇടപെടലുകളുടെ ഫലമായാണ് ഇപ്പോഴത്തെ തീരുമാനം ഉണ്ടായിരിക്കുന്നതെന്ന് അദ്ദേഹം വ്യക്തമാക്കി.
കഴിഞ്ഞയാഴ്ച കൊല്ലം എറണാകുളം റൂട്ടിലെ രണ്ട് മെമ്മു സർവീസുകൾ എംപിയുടെ ഇടപെടലിനെ തുടർന്ന് 12 കോച്ചുകളാക്കി ഉയർത്തിയിരുന്നു. ശേഷിക്കുന്ന സർവീസുകളും സമാനമായ രീതിയിൽ ഉയർത്തണമെന്ന ആവശ്യം ശക്തമായി ഉന്നയിച്ചതിനെ തുടർന്നാണ് ഇപ്പോൾ മുഴുവൻ ബന്ധപ്പെട്ട ട്രെയിനുകളും 12 കോച്ചുകളായി വർധിപ്പിക്കാൻ തീരുമാനമായിരിക്കുന്നത്.
കോച്ചുകളുടെ വർധനവോടെ യാത്രക്കാരുടെ തിരക്ക് ഗണ്യമായി കുറയുകയും സുരക്ഷിതവും സൗകര്യപ്രദവുമായ യാത്ര ഉറപ്പാക്കുകയും ചെയ്യും. പൊതുജനങ്ങളുടെ ന്യായമായ ആവശ്യങ്ങൾക്കായി തുടർന്നും ശക്തമായ ഇടപെടൽ തുടരുമെന്ന് കൊടിക്കുന്നിൽ സുരേഷ് എംപി അറിയിച്ചു.
Follow us on
Kundara MEDIA
Facebook | Youtube | Instagram | Website | Threads | UpScrolled
വാർത്തകളും പരസ്യങ്ങളും നൽകാൻ ബന്ധപ്പെടുക. 062388 95080
