സ്വകാര്യ ബസ് ഇരുചക്ര വാഹനത്തിൽ ഇടിച്ച് കൊല്ലം അയത്തിൽ സ്വദേശി ഡി. മനേഷ് (37) മരിച്ചു.
കൊല്ലം 23.8.2023: അയത്തിൽ നളന്ദ നഗർ 116 വാരാനത്ത് വിള വീട്ടിൽ പരേതനായ ദിവാകരന്റെയും സരോജിനിയുടെയും ഡി. മനേഷ് (37) ആണ് മരിച്ചത്. ഇന്ന് (23.8.2023) ഉച്ചയ്ക്ക് 12 മണിയോടുകൂടി ആശുപത്രിമുക്ക് എൽ.എം.എസ് ആശുപത്രിക്ക് സമീപത്ത് വച്ചായിരുന്നു അപകടം.
ആശുപത്രിമുക്ക് ഭാഗത്ത് നിന്ന് കൊട്ടിയത്തേക്ക് പോവുകയായിരുന്ന മനേഷിൻ്റെ സ്കൂട്ടറും എതിർദിശയിൽ നിന്ന് വന്ന സ്വകാര്യ ബസുമായി ഇടിക്കുകയായിരുന്നു.
ഇടിയുടെ ആഘാതത്തിൽ ഗുരുതരമായ പരുക്കേറ്റ മനേഷിനെ സമീപത്തെ ആശുപത്രിയിലും തുടർന്ന് ജില്ല ആശുപത്രിയിലും എത്തിച്ചെങ്കിലും മരിച്ചു. മൃതദേഹം ജില്ലാ ആശുപത്രി മോർച്ചറിയിൽ. സംസ്കാരം നാളെ ഉച്ചയ്ക്ക് 3ന്. ഭാര്യ: നീതു, മക്കൾ: ദേവാംശ്, ദേവഹർഷ്.
Follow us on KUNDARA MEDIA
Facebook | Youtube | Instagram | Website | Threads
വാർത്തകളും വിശേഷങ്ങളും വിരൽത്തുമ്പിൽ