കുണ്ടറ : കാർഷിക മേഖലക്ക് എക്കാലവും കൈത്താങ്ങാകുന്നത് കമ്യുണിസ്റ്റ് പാർട്ടിയാണെന്ന് മന്ത്രി കെ.എൻ. ബാലഗോപാൽ അഭിപ്രായപ്പെട്ടു. സിപിഐ എം സംസ്ഥാന സമ്മേളനത്തിന്റെ ഭാഗമായി മാമ്പുഴ എലായിൽ കേരളം കർഷക തൊഴിലാളി യൂണിയന്റെ ആഭിമുഖ്യത്തിൽ ആരംഭിക്കുന്ന നെൽകൃഷിയുടെ ഞാറുനടീൽ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
കാർഷിക മേഖലയുടെ സംരക്ഷണത്തിനും വികസനത്തിനും പോരാട്ടങ്ങൾ നടത്തിയിട്ടുള്ളത് ഇന്ത്യൻ കമ്യുണിസ്റ്റ് പാർട്ടിയാണ്. ഒപ്പം കർഷകർക്ക് ന്യായമായ കൂലിയും തൊഴിൽ അവകാശങ്ങളും ഉറപ്പാക്കി. രാജ്യത്തിന്റെ വികസന മുന്നേറ്റത്തിന് കൃഷിയുടെ പ്രാധാന്യം ഉൾക്കൊണ്ട് പദ്ധതികൾ ആവിഷ്ക്കരിച്ചിട്ടുള്ളതും കമ്യുണിസ്റ്റ് പാർട്ടിയാണെന്നും മന്ത്രി പറഞ്ഞു.
ആർ. സുരേഷ് ബാബു അധ്യക്ഷനായി. യൂണിയൻ ജില്ലാ സെക്രട്ടറി പി.എ. എബ്രഹാം, കർഷക സംഘം ജില്ലാ സെക്രട്ടറി സി. ബാൾഡുവിൻ, സിപിഐ എം കുണ്ടറ ഏരിയ സെക്രട്ടറി എസ്.എൽ സജികുമാർ, എം,ഇ ആൽഫ്രഡ്, പി. ജഗന്നാഥൻ, കൊറ്റങ്കര പഞ്ചായത്ത് പ്രസിഡന്റ് പി വിനിത കുമാരി, മുഖത്തല ബ്ലോക്ക് പഞ്ചായത്ത് വൈസ് പ്രസിഡന്റ് എച്ച്. ഹുസൈൻ, യൂണിയൻ ഏരിയാ സെക്രട്ടറി എൽ അനിൽ, എസ് അനിൽകുമാർ, കൃഷി ആഫീസർ അൽഫിയാ, അഗ്രികൾച്ചർ അസിസ്റ്റന്റ് ഷീബ, എന്നിവർ സംസാരിച്ചു. പാടശേഖര സമിതി പ്രസിഡന്റ് ചന്ദ്രമോഹനൻ പിള്ളയെ മന്ത്രി ആദരിച്ചു. മാർച്ച് മാസത്തിൽ കൊല്ലത്ത് നടക്കുന്ന സിപിഐ എം സംസ്ഥാന സമ്മേളന പ്രതിനിധികൾക്ക് ഭക്ഷണം നൽകാനുള്ള കുത്തരി ഉൽപ്പാദിപ്പിക്കുന്നതിനാണ് നെൽകൃഷി ആരംഭിച്ചിട്ടുള്ളത്.
Follow us on
Kundara MEDIA
Facebook | Youtube | Instagram | Website | Threads | Whatsapp | X
വാർത്തകളും പരസ്യങ്ങളും നൽകാൻ വാട്സാപ്പ് മെസ്സേജ് ചെയ്യുക. 06238895080