അബുദാബി: കരളിന്റെ പകുതി അച്ഛൻ നൽകി മകൾക്ക് പുതുജീവൻ. യുഎഇയിൽ ആദ്യമായി നാലു വയസ്സുകാരിയുടെ കരൾ മാറ്റിവെച്ച് ബുർജീൽ ഹോസ്പിറ്റൽ ജനശ്രദ്ധ നേടി. ഇന്ത്യൻ പ്രവാസി ഹൈദരാബാദ് സ്വദേശി ഇമ്രാൻഖാന്റെ പുത്രി നാല് വയസ്സുകാരി റസിയയുടെ കരൾ മാറ്റ ശസ്ത്രക്രിയയാണ് അബുദാബിയിൽ വിജയകരമായി പൂർത്തിയാക്കിയത്.
അപൂർവ ജനിതക രോഗത്താൽ ബുദ്ധിമുട്ടുന്ന നാലുവയസ്സുള്ള കുട്ടിക്കുവേണ്ടി എന്തും ചെയ്യാൻ തയ്യാറായിരുന്നു അച്ഛൻ ഇമ്രാൻ ഖാൻ. മകൾക്ക് വേണ്ടി ഇമ്രാൻഖാനാണ് തന്റെ കരളിന്റെ ഒരു ഭാഗം ദാനം ചെയ്തത്. യുഎഇയിലെ ആദ്യത്തെ ലിവിംഗ്‌ഡോണർ പീഡിയാട്രിക് ലിവർ ട്രാൻസ്പ്ലാന്റ് ആയി കണക്കാക്കപ്പെടുന്ന 12 മണിക്കൂർ ശസ്ത്രക്രിയ അബുദാബിയിലെ ബുർജീൽ മെഡിക്കൽ സിറ്റിയിലാണ് നടത്തിയത്.
Follow us on
Kundara MEDIA
Facebook | Youtube | Instagram | Website | Threads | Whatsapp | X